السلام عليكم و رحمة الله و بركاته
المشهد الاول :
وحدة مزيونة بالحيل.......و حبيبة......
بس تخون!!!!
وش اسوي بجمالها؟؟
بياخذها الزمان و تبقى عجوز.....
عادي........طاح الحطب.......... و حلوة الحياة
المشهد الثاني :
سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
عادي........طاح الحطب.......... و حلوة الحياة
المشهد الثالث:
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
عادي........طاح الحطب.......... و حلوة الحياة
المشهد الرابع :
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة
المشهدالخامس:
مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة
المشهد السادس :
قارورة مويه .......
ما تضره .......طايحة في السيارة
يناظرها بغضب.......زعلان منها
و يفتح الشباك ......و رماها وسط الطريق
و اذا اجتمع مع الشباب قال:
متى بنتحضر؟؟؟؟؟؟
عادي........طاح الحطب.......... و حلوة الحياة
المشهد السابع:
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
عادي........طاح الحطب.......... و حلوة الحياة
المشهد الثامن :
سطحية .......و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
عادي........طاح الحطب.......... و حلوة الحياة
المشهد التاسع :
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .......
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
عادي........طاح الحطب.......... و حلوة الحياة
المشهد الاخير :
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف إن:
ذاك اليوم مهوب عادي
وانت الحطب
و ما به حياة......
منـــــــــــــقـــــــــــــــولـــــــــــ ،،،،
موضوع: مشــــــــــــــــاهد ،،، 
الأحد نوفمبر 04, 2007 8:59 pm
